O IV Congreso Performa trae a Compostela figuras como Marcel·lí Antúnez, Roger Bernat e José Sanchís Sinisterra
Do 27 ao 29 de novembro terá lugar o IV Congreso Internacional Performa, no Colexio Maior Fonseca e no salón de actos da Facultade de Filoloxía da Universidade de Santiago de Compostela.
Contaremos coa presenza de José Sanchis Sinisterra para a conferencia invitada, e de Marcel·lí Antúnez, Óscar Cornago e Juan Navarro ou Roger Bernat para conferencias performativas, ademais de corenta relatores e relatoras do ámbito dos estudos teatrais e performativos ou da escena profesional.
Na dirección do congreso están Belén Tortosa Pujante (Universidade de Santiago de Compostela) e Guadalupe Soria Tomás (Universidad Carlos III de Madrid), e á fronte do comité organizador está Anxo Abuín, investigador principal do Grupo Performa e membro do grupo TLLC, Eduardo Pérez-Rasilla (Universidad Carlos III de Madrid), Lara Rozados (Universidade de Santiago de Compostela), Paz Ferreiro (Universidad de Santiago de Compostela), Cristina Tamames (Universidade de Santiago de Compostela), Julio Vilariño (Universidade de Santiago de Compostela) e María Bastianes (University of Leeds).