Actividades

Actividade aberta

IX Simposio ASETEL: "Pensar os medios: xéneros, dispositivos e estratexias"

Datas: 7 - 8 outubro 2021

As actividades do IX Simposio de ASETEL (conferencias, ponencias e debates) tratarán do indubidable contaxio teórico-práctico entre a literatura e outros medios de comunicación, da idea de novidade que adoita aparecer en calquera interrogación sobre os new media máis alá do soporte analóxico ao dixital, da brevidade como espazo privilexiado para a xenología que nos obriga a cuestionar o aspecto «material» e pragmático do concepto de literatura, e do estado das investigacióms literarias e culturais baixo unha óptica global.

O IX Simposio de ASETEL atende estes asuntos e ofrécese como espazo de reflexión sobre a actualidade e visibilidade da propia disciplina na sociedade dos medios; as relacións intermediais e transxenéricas en contornos e formatos que nos obrigan a cuestionarmos determinadas concepcións auráticas e institucionais da literatura; o debate terminolóxico e clasificatorio das formas breves contemporáneas, as súas coordenadas transxenéricas, o seu carácter híbrido e a súa apertura a fenómenos tecnomediáticos; e os aspectos socioeconómicos e culturais que condicionan os estudos literarios desde distintas perspectivas (estadounidense, europea e española).

 

Coordinadores: Anxo Abuín González, Paulo Antonio Gatica Cote e María do Cebreiro Rábade Villar.

 

Sede do Simposio: Facultade de Filoloxía (Salón de actos), Universidade de Santiago de Compostela

Actividade pechada

[SUSPENDIDO] IX Simposio da Asociación Española de Teoría de la Literatura

Datas: 28-29 de xaneiro de 2021

A Facultade de Filoloxía da USC acolle os vindeiros días 28 e 29 de xaneiro IX Simposio de ASETEL, que coordinan desde a área de Teoría da Literatura e Literatura Comparada Anxo Abuín González, Paulo Antonio Gatica Cote e María do Cebreiro Rábade Villar.

 

 

Actividade pechada

Seminario: Fantástico e monstruosidade (cancelado)

Datas: 17 e 18 de marzo de 2020

A Facultade de Filoloxía da USC ten previsto acoller os días 17 e 18 de marzo o seminario "Fantástico e mostruosidade", a cargo do escritor e crítico literario barcelonés David Roas Deus. O local será o salón de actos e o horario de 10h a 12h as dúas xornadas. 

 

Actividade pechada

Seminario Internacional "Afecto, memoria e lugar na obra de Rosalía de Castro"

Datas: 4 e 5 de decembro de 2019

Celébrase un novo Seminario Internacional sobre Rosalía de Castro dentro do proxecto de investigación "Cartografías do afecto e usos públicos da memoria: unha análise espacial da obra de Rosalía de Castro" (FFI2017-82742-P). Terá lugar os vindeiros días 4 e 5 de decembro na Facultade de Filoloxía da USC e na Casa-Museo Rosalía de Castro.

Actividade pechada

III Congreso Internacional de Jóvenes Investigadores en Estudios Teatrales (CIJIET)

Datas: 24, 25 e 26 de outubro de 2018

Aberta a convocatoria para participar no III Congreso Internacional de Jóvenes Investigadores en Estudios Teatrales (CIJIET), que se celebrará na USC os días 24, 25 e 26 de outubro. O prazo para presentar propostas de comunicacións e paneis temáticos remata o 13 de maio de 2018.

Actividade pechada

Seminario de Marcelo Topuzian: "Propuestas para el estudio comparado de literatura y Estado"

Datas: 15 e 16 de marzo de 2018

Marcelo Topuzian, profesor da Universidad de Buenos Aires, imparte un seminario titulado "Propuestas para el estudio comparado de literatura y Estado". Será os días 15 e 16 de marzo a partir das 16h na sala 114 da Facultade de Filoloxía. Este seminario está vinculado ao proxecto de investigación "Cartografías del afecto y usos públicos de la memoria: un análisis espacial de la obra de Rosalía de Castro" (FFI2017-82742-P).

Actividade pechada

Conferencia de Lance Weiler

Datas: 29 de novembro

Mércores 29 de novembro ás 19:30 horas na Sala de Debates do Centro de Estudos Avanzados (Parque de Vista Alegre, Santiago de Compostela), co título “Digital Storytelling: How to Process Literary Contemporary Texts and Technology into Collaborative Creative Experiences“, no marco das actividades do Foro “Memoria, identidade, mundo: o desafío das humanidades”.

Actividade pechada

Seminario "Pensando o Novo Cinema Galego (NCG)"

Datas: 14 e 15 de setembro de 2017

A Facultade de Filosofía e a sala de cinema Numax acollen estas conferencias abertas ao público que teñen como obxectivo achegarse desde un punto de vista crítico ás formas contemporáneas do audiovisual galego